 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Словы вершу‚ што глыбы граніту‚
У нямым спачываюць бяздоньні.
Не падняць іх агнём дынаміту‚
Калі ў сэрцы зара не зазвоніць.
Вершы‚ вершы‚ паэта малітвы
На жыцьця нясуцешнай аблоні!
Вы як сьлёзы‚ што воін уроніць
Пасьля цяжкай спраможнае бітвы.
У пустэльні сьпякотнай крыніца.
Перад тым як бальзаму напіцца‚
Меч хавае разбойнік у ножны.
Толькі ты‚ самасьвечаны крытык‚
Не па сану імсьцівы‚ сярдзіты‚
Хрысьціш лоб‚ блудасловіш бязбожна.
1955 г.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
